Uncle Samir – عم سمير
عم سمير بتاع الفطير عامل قلق في الدقي الراجل دا جاب اخر Update للفطير و عمل اختراعات و ميكسات متخطرش على بال اي فطاطري قبل كدة ✋ عم سمير وصلت بيه ال Creativity لانه يعمل فطيرة الكوردن بلو و ال تشكين رانش و بلح بالقشطة 😍😍 اسم الفطير بس لوحده يجوووع 😍 اصلا المتعة بتبدأ من اول من تطلب الفطيرة و تتفرج عالشيف و هو بيشقلب الفطيرة في الهوا و عمال يحشي فيها يحشي فيها لحد ما تبقى فطيرة مليانة و مربربة كدة المنيو فيها اكتر من ٥٠ نوع فطير حلو و حادق 😋 عشان متحتارش هنرشحلك اكتر الانواع المميزة اللي عجبتنا طبعا فطير السجق بسطرمة كيري .. دي ال Superstar ⭐
تعرف منها على طول مستوى الفطاطري الشاطر 👌
و أحلى حاجة في فطير عم سمير انه ملياان و مش مزييت .. فطيرة مخدومة بضمير و في الحلو بقى .. جرب فطيرة البلح بالقشطة .. فطيرة من عالم تاني .. حاجة كدة تاكلها و تروق مزاجك و تستمتع بيها من اول قطمة لاخر فتفوتة فيها 😘 مود القعدة هناك شبابي و في نفس الوقت مناسب للعائلات، و على فكرة في قعدات فوق كمان *الاسعار في المنيو، مفيش زيادة خدمة ولا ضريبة رقم التليفون:
01200002942
العنوان:
الدقي، مجمع مطاعم Mid Street أمام المتحف الزراعي، شارع وزارة الزراعة
